Polizeimeldung München, 24.09.2026: Wiesnbericht der Polizei München vom 24.09.2026 auf Boarisch

Wie das Polizeipräsidium München am Mittag berichtet, haben sich mehrere Fälle in Wiesnbericht auf Boarisch, Wiesn, den Tatverdächtign inam Wiesn-Biergartn festgnumma und weiteren Orten ereignet. Was ist heute am Donnerstag, dem 24.09.2026 passiert?

Erstellt von Team Datenjournalismus - 24.09.2026, 14.59 Uhr

Die Polizei Bayern informiert über einen aktuellen Fall (Symbolbild). (Foto) — Die Polizei Bayern informiert über einen aktuellen Fall (Symbolbild). Bild: picture alliance / dpa / Daniel Karmann

Für Wiesnbericht auf Boarisch, Wiesn, den Tatverdächtign inam Wiesn-Biergartn festgnumma, Tatverdächtign festgnumma, Tatverdächtign nach versuchtem Taschndiebstahl festg’numma und weitere Orte hat die Polizei aktuelle Meldungen veröffentlicht. In diesen heißt es:

Wiesn: Erst biesln wolln, dann de Schandis beschimpft

Am Mittwoch, 23.09.2026, so umara zehne nach siebne aufd Nocht, ham de Schandis am Wiesn-Haupteingang an Mo gseng, der se direkt neba eana zum Biesln histelln wollt.

D‘Schandis ham eam draufhi gsogt, er soi des bleibm lassn und si vo da Wiesn schleicha. Des hod eam aber überhaupt ned basst. Zerscht hod er eana a beleidigende Gestn zoagt, und hintnach hat er’s aa no zammgschimpft.

Da Mo war a Deitscher, oanasechzg Jahr oid, dahoam im Landkreis Fürstnfeldbruck.

Für sei Schimpferei hod er jetz a Anzeige kriagt. An Platzverweis fürd Wiesn ham’s eam aa no gebm.

Wia de Schandis mit erm fertig warn, ham’s eam an Ort und Stell wieder geh lassn.

Um de weitern Ermittlungen kümmern si de vo da Siebzehner-Inspektion, also vo da Wiesnwach.

den Tatverdächtign inam Wiesn-Biergartn festgnumma: Mit am fremdn Rollator davozogn

Am Mittwoch, 23.09.2026, so umara viere am Nammidog, hod se bei da Polizei a Angehöriger vo am Mo gmeldt, der scho über neinzg Jahr oid is. Dem war aus am Wirtsbetrieb auf da Wiesn sei Rollator gstohln worn.

De Schandis ham si glei an d’Arbat gmacht und de Kameraaufnahmen vo da Wiesn ogschaut. Drauf ham’s an Tatverdächtign ausgmacht, der mit dem Rollator davozogn war. Dann ham’s auf de Aufnahmen gschaut, wo er überoi higanga is. Sei Weg hod eam bis in an Biergartn auf da Wiesn gführt.

So umara zehn noch simme aufd Nocht ham de Schandis eam na dort otroffa und vorläufig festgnumma. Da gstohlne Rollator war aa do. Den ham’s sichergstellt.

Da Tatverdächtige war a zwoarafuchzgjähriger Franzos, der in Deitschland koan festen Wohnsitz hod.

Den ham’s mit auf d’Wiesnwach gnumma und a Verfahren wega Diebstahl gega eam eigleit. Wia ois erledigt war und er an dreistellign Betrag ois Sicherheitsleistung hinterlegt ghabt hod, ham’s eam wieder geh lassn.

Da Eigentümer hod sein Rollator am End wieder zruckkriagt.

Weiter ermitteln duat des Sechsafuchzger-Kommissariat vo da Münchner Kripo.

Tatverdächtign festgnumma: Trinkgeld vo de Teller klaut

Am Mittwoch, 23.09.2026, so umara achte aufd Nocht, warn Taschendiebfahnder aus Minga und de Niederlande in am Wiesnzelt unterwegs. Dabei is eana a Mo aufgfoin, der durchs Zelt strawanzt is und offenbar gschaut hod, wo’s wos zum Klaun gibt.

Nach a Weil is er zu de Klos beim Biergartn neiganga. Do ham d‘Fahnder gseng, wia er de Butzfraun ihr Bargeld vo de Trinkgeldteller klaut hod.

Kaum war er vo de Klos wieder draußn, ham’s ean vorläufig festgnumma und mit auf d’Wiesnwache g‘numma.

Da Tatverdächtige war a dreißgjähriger Rumäne, der in Deitschland koa feste Bleibn hod.

Bei eam ham de Schandis an mittleren dreistellign Betrag an Bargeld gfunden und sichergstellt. Nach dem, was bis jetz rauskumma is, besteht da Verdacht, dass zumindest a Teil davo a gstohln is.

De Schandis ham eam erkennungsdienstlich behandelt. Außerdem hod er oan benenna miassn, der amtliche Bost für eam entgegennehma derf. Wia des und de übrign polizeilichen Maßnahmn erledigt warn, hom’s den Dreißgjährign wieder geh lassn.

Weiter ermitteln duat des Fünfafuchzger-Kommissariat vo da Münchner Kripo.

Tatverdächtign nach versuchtem Taschndiebstahl festg’numma: In a fremde Handtaschn eineglangt

Am Mittwoch, 23.09.2026, so umara hoibe zwölfe aufd Nocht, warn Münchner Taschendiebfahnder im Biergartn vo am Wiesnzelt unterwegs. Da war gscheid was los. Mittendrin is eana a Mo aufgfoin, der zwischen d‘Leit umanand ganga is und gschaut hod, wos er klaun kannt.

D‘Fahnder ham dann beobachtet, wia er an a Frau higruckt is, ihr unbemerkt d’Handtaschn aufgmacht und eine glangt hat. Was Wertvolles hat er offenbar ned dawischt. Drum is er ohne Beute wieder davozogn.

Wia er ausm Biergartn draußn war, ham d‘ Schandis eam vorläufig festgnumma.

Da Tatverdächtige war a achtadreißgjähriger Rumäne, der in Deitschland koa feste Bleibn hat.

Zerscht ham’s eam auf d’Wiesnwache bracht. Wia’s dort mit de polizeilichen Maßnahma fertig warn, ham’s eam in d’Haftanstalt vom Münchner Polizeipräsidium überstellt. Heit im Lauf vom

Dog wird er am Ermittlungsrichter vorgführt. Er entscheid, wia’s mit da Haft ausschaut.

Weiter ermitteln duat des Fünfafuchzger-Kommissariat vo da Münchner Kripo.

Tatverdächtign festgnumma: Ned geh wolln und si geg’n d‘ Schandis g‘wehrt

Am Mittwoch, 23.09.2026, so um dreiviertel achte aufd Nocht, ham d‘ Leit vom Sicherheitsdienst an Mo aus am Wiesnzelt aussi begleitet. Bloß hat der partout ned weggehn wolln. Drum ham’s d‘Schandis dazua g‘hoit.

De ham eam an Platzverweis erteilt. Weil er trotzdem ned ganga is, ham’s eam von da Wiesn begleiten wolln. Dabei hat er si gegn d‘Schandis g‘wehrt und aa no in eanare Richtung gspuckt.

Draufhi ham’s eam vorläufig festgnumma.

Da Tatverdächtige war a vierzgjähriger Deitscher, dahoam in München.

Den ham’s anschließend in Gewahrsam g‘numma und in d’Haftanstalt vom Münchner Polizeipräsidium bracht. Um Mitternacht rum ham’s eam von dort wieder geh lassn.

Weil er si geg’n d‘Schandis bei eanam Einsatz g‘wehrt hat, wird jetz wegen Widerstand geg’n Vollstreckungsbeamte geg’n eam ermittelt.

Weiter ermitteln duat des Vierazwanzger-Kommissariat vo da Münchner Kripo.

+++ Redaktioneller Hinweis: Dieser Artikel basiert auf einer Meldung des Polizeipräsidiums München. Um Sie schnellstmöglich zu informieren, werden diese Texte datengetrieben erstellt und stichprobenartig kontrolliert. Bei Anmerkungen oder Rückfragen wenden Sie sich bitte an hinweis@news.de. +++

Weitere Polizeimeldungen aus München

roj/news.de

Themen:

Erfahren Sie hier mehr über die journalistischen Standards und die Redaktion von news.de.